Daggry barnehage

Emma Nordstrand

Pedagogisk leiar

Malin Skjong Dyb

Assistent

Marthe Hjorth

Pedagogisk leiar

Caroline Sæther Eide

Assistent

Wenche Fladmark

Assistent

Toril Rørvik Johansen

Assistent

Linerla

        LINERLA

 Vi er linerla, vi er små og søte

 Vi vil leike, tøyse, vere glad

 Då er det viktig å ha trygge vaksne

 som kan gjere kvardagen vår bra

  Mel: Se min kjole

På vår avdeling er det 13 barn fordelt på 12,4 plassar. Vi har ni barn som er fødde i 2016 og fire som er fødde i 2017. Ein retteleg fin gjeng! I tillegg er vi seks vaksne som har gleda av å passe desse kjekke barna. Ein ganske så fin gjeng det og, om vi skal få seie det sjølve! Dei vaksne er engasjerte og opptekne av å legge til rette for at barna skal ha ein god barnehagekvardag, med både leik, samspel, ro, tryggleik, variasjon og masse humor. Vårt hovudfokus i år er leik og livsmeistring.

På mandaga har vi song og musikk-samling. Kvar tysdag gjennom heile året med unntak av desember skal vi ha humlesamling. Då skal eitt barn få vere i fokus gjennom heile samlinga. Barnet skal få på seg humlekostyme og få sitje på ein stol framfor dei andre. Vi skal snakke om fokusbarnet og deira familie. Dei andre barna kan vere med og beskrive det barnet som er i fokus. Etter ei lita stund skal fokusbarnet gå ut av samlinga saman med ein vaksen, medan dei som er igjen skal prøve å hugse kva som blei sagt. Dette er ei øving i å sjå kvarandre. Onsdag og fredag deler barnegruppa i to. Då er den eine gruppa i barnehagen og har tema hakebakkeskogen, medan den andre gruppa går på tur. På torsdagar har vi kristen samling. Då høyrer vi historier frå bibelen og syng songar med eit kristen bodskap.

Når vi jobbar med hakkebakkeskogen skal vi knyte inn realfag når vi lærer om dyra i skogen, kva dei et, korleis dei ser ut og liknande. Vårt hovudfokus er leik og livsmeistring. Ved å lære om kor viktig det er at dyra i skogen er vener og at dei har omsorg for kvarandre, vil vi overføre det til kulturen på vår avdeling. Når vi jobbar med Hakkebakkeskogen skal vi synge songar om dyra, vi skal dramatisere og fortelje historia og vi skal utforske forteljinga gjennom kreativ utfalding.

Elles er vi opptekne av å gje barna nok kvile og ro i løpet av kvardagen. Vi har fokus på rolege overgangar som legg til rette for at barna får tid til å til dømes kle på seg sjølve, så langt dei kan. Eller klatre opp på stolen sin, smøre skiva si, rydde, alt ut frå kva føresetnad barnet har. Dette gir livsmeistring.